转到普通病房，青就前来探望，一看到蓝遍体鳞伤，青一时间忍不住流下眼泪⋯⋯
青抺眼泪（强装笑脸）：「蓝，你见点啊？」
蓝冷淡（苦笑一下）：「冇乜点呀！咪咁囉！多谢你嚟探我⋯⋯」
青（好奇）：「点解你唔覆我whatsapp啊？」
蓝（淡然）：「我见冇乜特别，唔想成日阻住你⋯⋯」
青（疑惑）：「点解你好似怪怪地嘅？⋯⋯上次你见到我同俊一齐唔开心呀？」
蓝（呼一口气）：「坦白讲，现时任何一个人既条件都比我优厚，我依家伤成咁，第时可唔可以行路，都成问题，你应该搵返一个，更加合适嘅人去爱护自己⋯⋯」
青呆了（反问）：「点解你咁样讲啊？乜你唔知我嘅心意係点呢？」
蓝(红了眼）：「我唔想你，因为可怜我而家嘅处境，而做乜嘢决定⋯⋯」
青哭了（摇摇头）：「我唔明白……」
蓝（握着拳头）：「你有冇问过自己，你钟意我啲乜嘢？」
青想即时回应，张开口但答不上。
蓝叹一口气（望向青双眼）：「如果你心里边，想讲係凭感觉去钟意一个人，我会劝你再三考虑⋯⋯因为眼前嘅我，係要面对一连串康復过程，下半生有机会用轮椅代步⋯⋯单凭感觉就投入爱情，好容易比对方拉到自己后脚⋯⋯你明白吗？」
青泪流满面，急忙的跑出病房痛哭⋯⋯