蓝（摸下巴）：唔该晒你！係呢！你同太太结完婚，去咗边渡蜜月啊？
俊（叹气）：未啊！太太啱啱有咗，个胎都未稳定，唔会周围去住，而诊所得我一个，手停口停，稳定奶粉钱先呀⋯⋯你咁快諗去边渡蜜月呀？
蓝（面部僵硬）：讲笑咩！我哋十划都未有一撇！有哈哈哈哈⋯⋯
俊（咀角上扬拿起红酒碰杯）：飮啦！呢啲野讲吾埋架嘛！哈哈哈哈⋯⋯
热闹尽兴的晚饭后，眾人都纷纷回家，蓝青坐在寂静的车厢里，扣好安全带后，蓝手握着呔盘，定睛的望着沉默青，满不情愿地发动引擎，向着青的家进发⋯⋯青把手袋放在短裙上，心不在焉地哼着最熟悉的一首歌，断断续续不断地重复副歌⋯⋯
蓝（手指敲吠盘）：今日好攰吗？
青（低头玩手指）：有少少啊⋯⋯
蓝（身体倾向青）：我又唔捨得你啊！不如唔好走，我想你今晚陪我⋯⋯
青（双手交叉抱臂）：爹哋自己一个喺屋企，我好耐冇陪过佢啦！
蓝（跺脚）：咁我哋第时结咗婚，都要搬走架啦！呵？
青（蹺二郎腿）：吓！边个话我要结婚架？
蓝（全身绷紧）：你迟早都嫁俾我架啦！乜你唔肯定咩？
青（不知好嬲定好笑）：我唔知你喺度讲咩喎！不过，呢排我都计划紧想申请返做空姐，上年生日收到升职通知上机组，最后都放弃左⋯⋯
蓝（愕然呼吸加快）：吓？我下个月復职后，继续要飞来飞去，之后我哋咪好少机会见囉⋯⋯
青（摸一下锁骨）：唔⋯⋯呢个係我暂时嘅諗法啫，未肯定嘅，我哋迟啲再倾吖⋯⋯
蓝吻别青兼目送她离开，一步一步地走远，内心涌上一股莫名空虚感，蓝独自归家的路途比想像中远，熟练地点着香烟，一手放在呔盘上轻轻敲打，希望有些头绪来⋯⋯
蓝（喃喃自语）：不肯定我吗？⋯不肯定什么？⋯我不够好吗？⋯还欠什么呢？⋯⋯